Актуальнасць

 На сённяшні момант існуе вялікая колькасць методык і прыёмаў для засваення лексічнага і граматычнага матэрыялу пры вывучэнні беларускай мовы. Асаблівую актуальнасць набывае задача паляпшэння якасці ведаў навучэнцаў, павышэння іх паспяховасці, матывацыі да вывучэння беларускай мовы, развіццё іх пазнавальнага інтарэсу.
  Пашырэнне слоўнікавага запасу не адбываецца само па сабе. Выканання практыкаванняў падручніка і знаёмства з літаратурнымі тэкстамі часта бывае недастаткова. Дыялогі атрымліваюцца "беднымі" і аднатыпнымі. Вучні маюць пэўныя цяжкасці, калі трэба даць характарыстыку герою ці апісаць яго знешнасць.

  Выкарыстанне на практыцы флэш-картак дазваляе зрабіць працэс запамінання больш лёгкім, павялічвае аб'ём памяці шляхам утварэння асацыяцый.
 Мэтанакіраваная і сістэматычная праца па пашырэнні слоўнікавага запасу вучняў садзейнічае фарміраванню і развіццю камунікатыўных кампетэнцый малодшых школьнікаў. Гэта дазваляе ім перайсці на больш высокі ўзровень валодання мовай як сродкам зносін і садзейнічае ўсебаковаму развіццю асобы вучня.

Апісанне

  Флэш-карткі - просты і зручны рэсурс. Яны ўяўляюць сабой тэматычныя наборы з адлюстраваннем прадметаў ці з'яў. 
  Яркія і прыгожыя, часам смешныя флэш-карткі аказваюць уздзеянне як на вучняў-візуалаў (працэнт такіх вучняў заўсёды большы), так і на тых, у каго вядучым тыпам успрымання з'яўляецца аўдыяльны канал - бо слова не толькі паказваецца, але і не адзін раз гучыць у працэсе працы з флэш-карткамі. Падыдуць флэш-карткі і кінестэтыкам (тым, хто прывык успрымаць інфармацыю пры дапамозе рухаў) - флэш-карткі заўсёды можна пісаць ад рукі. 
  Камбінацыі на двух баках флэш-карткі могуць быць рознымі:

слова – пераклад;

малюнак – слова;

малюнак – словазлучэнне;

слова - сінанімічны рад;

слова - антонім;

слова - сінонім;

пачатак прыказкі - канец прыказкі;

фразеалагізм - тлумачэнне.

Метадычныя рэкамендацыі

Каб флэш-карткі былі эффектыўнымі, ёсць некалькі асноўных правіл іх выкарыстання:

- размяшчаць на адной картцы толькі адно слова (асабліва на першым этапе);
- неабходна прагаворваць карткі ўслых;
- вывучаць флэш-карткі з абодвух бакоў;

- мяняць парадак картак пры вывучэнні;

- рэгулярна паўтараць флэш-карткі.

Вучэбны модуль падзелены па класах. Тэматыка флэш-картак адпавядае тэмам, вывучаемым у кожным класе згодна праграмы.

Дзяленне па чвэрцях прыкладнае. Настаўнік можа мяняць тэмы месцамі, вяртацца да ўжо вывучаных флэш-картак па неабходнасці, паскараць ці замядляць тэмп працы з прапанаваным матэрыялам.

У 2 класе  на паўтарэнне адводзіцца IV чвэрць, у 3 і 4 класах - I і IV чвэрці. У пачатку года паўтараюцца флэш-карткі за папярэдні клас, а ў канцы года - за бягучы навучальны год.

Пасля вывучэння пэўнай колькасці флэш-картак (прыкладна адзін раз у чвэрць) праводзіцца кантроль ведаў у выглядзе пісьмовага перакладу.

Ёсць флэш-карткі, распрацаваныя для ўрокаў напісання творчых работ (сачыненняў і пераказаў).